ፀጉር ሳይበጣጠስ እና ሳይሰባበር እንዲያድግ የሚረዳ ተፈጥሯዊ የሩዝ ውሃ

1.የሩዝ ውሃ ላይ የብርቱካን ወይም የሎሚ ልጣጭ ለምን እጠቀማለሁ?

የሩዝ ውሃ በተፈጥሯዊ መንገድ ስለሚዘጋጅ ሽታ ሊኖረው ይችላል። ይሄንንም ሽታ ለመከላከል ሲባል የብርቱካን ወይም የሎሚ ልጣጭ መጠቀም አስፈላጊ ነው። እነዚህ ከሌሉሽም የቀረፋ አንጨት፣ የጥብስ ቅጠል ወይም በተለምዶ የሮዝሜሪ ቅጠል የሚባሉትን መጠቀም ትችያለሽ።

2. የሩዝ ውሃ ብቻ ብጠቀም ምን ይፈጠርብኛል?

የበለጠ የፀጉር እድገት እንዲኖር ፀጉርን መንከባከብ ያስፈልጋል። ለአንድ ሳምንት ያክል የሩዙን ውሃ ከተጠቀምሽ በኋላ በቀጣዩ ሳምንት ደግሞ ሌሎች በሙዝ፣ በሽንኩርት ፣ አቮካዶ ወዘተ የሚዘጋጁ የፀጉር ማሳደጊያዎችን መጠቀም ለውጡ ቶሎ እንዲጨምር ይረዳል።

3.  ሞይስቸራይዝ ለማድረግ የትኛውን ቅባት ልቀባ?

የሩዝ ውሃ ብዙ ፕሮቲን ስላለው ፀጉርን የግድ መንከባከብና ማለስለስ ያስፈልጋል። ለማለስለስ ወይም ሞይስቼራይዝ ለማድረግ ከተገኘ የኮኮኖት Oil ካላገኘሽ እስከዛሬ የምትጠቀሚውንና የሚመችሽን የፀጉር ቅባት መጠቀም ትችያለሽ።

4. የሩዝ ለሁሉም የፀጉር አይነት ይሆናል?

የሩዝ ውሃ ከርዳዳ ፀጉር ያላቸው ሴቶች ሲጠቀሙት እንዳልሰራላቸው በተደጋጋሚ ሲናገሩ ይሰማል።

5. ለምን ያክል ጊዜ የሩዙን ውሃ ልቀባ?

እንደ ፀጉርሽ እና እንዳንቺ ፍላጎት ቢለያይም በየቀኑ ለሳምንት ያክል ማሳጅ አድርገሽ እየተቀባሽ ከዛም ሞይስቸራይዝ ለማድረግ ቅባት ብትቀቢ መልካም ነው።

6. እርጉዝ ሴት ብትጠቀመው ችግር አለው?

የተለያዩ ጥናቶች እንደሚያሳዩት እርግዝና ላይ ያለች ሴት ብትጠቀመው ምንም አይነት የጎንዮሽ ጉዳት እንደሌለው ነው። የተሻለ መረጃ ለማግኘት ደግሞ የህክምና ባለሙያዎችን / ዶክተሮችን / ማማከሩ ይመረጣል።