ፎረፎርን እየቀነሰ የፀጉርን እድገት የሚጭምር ተፈጥሯዊ የሽንኩርት ጁስ

1.የሽንኩርት ጁስ ማንኛውም ሰው መጠቀም ይችላል?

ጥናቱ እንደሚያሳየው አንዳንድ ህክምና የሚሹ ችግሮች እንደ “psoriasis or eczema” ያሉባቸው ሴቶች ከመጠቃማቸው በፊት የህክምና ባለሙያዎችን ማማከር ያሻል። እንዲሁም የሽንኩርት አላርጂክ የተከሰተባቸው ሴቶች እንዲጠቀሙት አይመከርም።

2. ፍሪጅ ውስጥ ማስቀመጥ እችላለሁ?

ማቀዝቀዣ / ፍሪጅ ውስጥ በማስገባት መጠቀም ሲያስፈልግ መጠቀምም ይቻላል። ከ 3 እስከ 5 ቀናት ድረስ ባሉት ጊዜያት ብቻ ቢቀመጥ የሚመከረው የሽንኩርት ጁስ ከነዚህ ቀናት ካለፈ ሽታው የመጨመር እድል አለው።

3. ሞይስቸራይዝ ለማድረግ የትኛውን ቅባት ልቀባ?

የሽንኩርት ጁስ ፀጉርን ሊያደርቅ ስለሚችል የሚስማማሽንና ከዚህ በፊት የምትጠቀሚውን የፀጉር ቅባት መጠቀም መቀጠል አለብሽ።

4. የሽንኩርት ጁስ ለሁሉም የፀጉር አይነት ይሆናል?

የሽንኩርት ጁስ ከርዳዳ ፀጉር ያላቸው ሴቶች ሲጠቀሙት እንዳልሰራላቸው በተደጋጋሚ ሲናገሩ ይሰማል።

5. የሽንኩርት ጁስ ብቻ ብጠቀም ምን ይፈጠርብኛል?

የበለጠ የፀጉር እድገት እንዲኖር ፀጉርን መንከባከብ ያስፈልጋል። የሽንኩርት ጁስ በዚህ ሳምንት ከተጠቀምሽ በቀጣዩ ደግሞ ሌሎች በሙዝ፣ በሩዝ ፣ አቮካዶ ወዘተ የሚዘጋጁ ሌሎች የፀጉር ማሳደጊያዎችን መጠቀም ለውጡ ቶሎ እንዲጨምር ይረዳል።

6. እርጉዝ ሴት ብትጠቀመው ችግር አለው?

እርግዝና ላይ ያለች ሴት ላይ የሚያመጣው ጉዳት ስለመኖሩ ጥናቶች ሲገልፁ አይስተዋልም። ነገርግን ይሄ ማለት ነፍሰጡር ሴት ለሆነች ሴትም ሴፍ እና መልካም ነው የሚል ጥናት እንደሌለ ልብ ይሏል። ነፍሰጡር ከሆንሽ እና ይሄን የሽንኩርት ጁስ ለመጠቀም ካሰብሽ መጀመሪያ የህክምና ባለሙያዎችን/ዶክተሮችን ማማከር የተሻለ ነው።