ከብጉር በኋላ ፊት ላይ የሚታዩትን ጥቋቁር ነጠብጣቦች ለማጥፋት የሚረዳ የድንች ክሬም

1. ለስንት ጊዜ ተሰርቶ መቀመጥ ይችላል? ፍሪጅ ውስጥ ሲገባስ አይበላሽም?

 የድንች ክሬም ተሰርቶ ፍሪጅ ውስጥ መቀመጥ ይችላል። ነገር ግን የሚከተሉት ነገሮችን ልብ ማለት ያስፈልጋል።

• በንፁህ የፍሪጁ ቦታ ላይ አስቀምጪው
• ማስኩን በሰራሺው ወዲያውኑ ካልቻልሽ ደግሞ ከ2 እስከ 3 ቀናት ባሉት ውስጥ መጠቀም መጀመር አለብሽ።
• የመበላሸት ባህሪ እንደ መጥቆር፣ መሻገት የመሳሰሉትን ነገር ካየሽ መጣል አለብሽ።

2.  ወዲያው እየጠቆረብኝ ተቸገርኩ። ምን ላድርግ?

ድንች የተፈጥሮ ግብዓት በመሆኑ ምክንያት በተለያዩ መንስኤዎች ሊበላሽ ይችላል። አንዳንድ ጊዜ በፍጥነት ሲበላሽ፣ አንዳንዴም ለረጅም ጊዜ ሲቆይ ይስተዋላል። ይሁን እንጂ ከመበለሻት የምናድንበት እርግጠኛው መፍትሄ ለአንድ ቀን የሚሆንሽን ክሬም በማዘጋጀት ነው። ለእለት ተእለት የሚሆን በትንሹ እየሰራሽ መጠቀም የተሻለ አማራጭ ነው።

3.  ይሄን የፊት ማስክ ሳዘጋጅ የግድ ሎሚ መጨመር አለብኝ?

የለብሽም! በተለይ በብዙ መጠቀም የፊት መቆጣት ሊያስከትልብሽ ይችላል። ነገርግን ክሬሙን ስታዘጋጂ እና ሲወፍርብሽ በጣም ጥቂት የሎሚ ጭማቂ መጨመር ጥቅም እንድታገኚበትም ያስችላል። ሎሚ በውስጡ “Vitamin C” ስለያዘ ቆዳን ከመጎዳት ከመጠበቁ ባሻገር በቆዳ ላይ የሚፈጠሩ ጥቋቁር ነጠብጣቦች ለማጥፋት ይረዳል። አስታውሺ! ሎሚም ሆነ ሌሎች ግብዓቶች አላርጂክ ካለብሽ መቆጠቡ ይመረጣል።

4. በምን ያክል ጊዜ ለውጥ ላገኝ እችላለሁ?

በየቀኑ የተቀቡት ሴቶች በሳምንት ውስጥ ለውጥ እንዳዩ ተናግረዋል።

5. ጥቋቁር ነጠብጣቦች ከጠፉልኝ በኋላ ክሬሙ ማቆም እችላለሁ?

ከጠፋልሽ በኋላ ሙሉ ለሙሉ ከምታቆሚው የምትጠቀሚበትን ጊዜ እየቀነሽ ቢሆን ጥሩ ነው። ለምሳሌ በየቀኑ እየተቀባሽ ከሆነ ሲጠፋልሽ በሶስት ቀን አንዴ መቀባት ትችያለሽ።

6. ተቀብቼ መተኛት እችላለሁ?

ትችያለሽ። ነገር ግን ትራስ እንዳያበላሽብሽ ተጠንቀቂ እንዲሁም የትራስ ልብስሽ ንፁህ መሆኑንን በደንብ እርግጠኛ መሆን አለብሽ። ነገር ግን ጊዜ ካለሽ ከ1 እስከ 2 ሰዐት አቆይተሽ መታጠቡ ይመረጣል።